كنت أرسلتها لإدراج سابق..وقات تحفر وتحفر..وها هي مزيدة ومنقحة
لمَّن ذيك الدار
يا لفايت جنب ذيك الدار لله ﮔول لي لمن ذيك الدار ل غريب من بعيد زار لقى الجود والهنا واستقر ولا حبيب لينا كان جار وهجر محبوبو ب غير خاطر ومن زمان ما جات عليه اخبار يا لفايت جنب ذيك الدار وب لعتاب وقف وشوف وسلم على حيط لحجر وسقف الخشبه والقصب وفكَّرها ب لعب الصغر و لهو الشباب الطاير راها ايام لعمر قصار تمشي لقدام وما تتوخر وخيار الناس اللي يفكر وخير الايام اللي تذكَّر باللي فات واللي حضر مع حبيب وقريب اللي يشكر ما ينكر فضايل ذيك الدار وذيك الدار يا للي زار عندي أنا وعند اقراني قصر حتى ولو صارت ب الليالي خربه خاليه ولاّ َغار دار الشرفا قول وفعل قلوب صافيه بلا دغل ناس بني زناسن الاحرار عرب متخاويين مع برابر زينين مناسب واصهار واللي لامني ف حبهم وجرى لي ف عداهم يهديه الله لا يكون من الاشرار يعيش حياتو ف غم وِلا مات -لا يقدر- يمشي للنار
2 commentaires:
كنت أرسلتها لإدراج سابق..وقات تحفر وتحفر..وها هي مزيدة ومنقحة
لمَّن ذيك الدار
يا لفايت جنب ذيك الدار
لله ﮔول لي لمن ذيك الدار
ل غريب من بعيد زار
لقى الجود والهنا واستقر
ولا حبيب لينا كان جار
وهجر محبوبو ب غير خاطر
ومن زمان ما جات عليه اخبار
يا لفايت جنب ذيك الدار
وب لعتاب وقف وشوف
وسلم على حيط لحجر
وسقف الخشبه والقصب
وفكَّرها ب لعب الصغر
و لهو الشباب الطاير
راها ايام لعمر قصار
تمشي لقدام وما تتوخر
وخيار الناس اللي يفكر
وخير الايام
اللي تذكَّر
باللي فات واللي حضر
مع حبيب وقريب
اللي يشكر ما ينكر
فضايل ذيك الدار
وذيك الدار يا للي زار
عندي أنا
وعند اقراني قصر
حتى ولو صارت ب الليالي
خربه خاليه ولاّ َغار
دار الشرفا قول وفعل
قلوب صافيه بلا دغل
ناس بني زناسن الاحرار
عرب متخاويين مع برابر
زينين مناسب واصهار
واللي لامني ف حبهم
وجرى لي ف عداهم
يهديه الله
لا يكون من الاشرار
يعيش حياتو ف غم
وِلا مات -لا يقدر-
يمشي للنار
هل يمكن لك ان تقول لي جازاك الله خيرا عائلة البيطاري من أي قبيلة من قبائل بني يزناسن؟
Enregistrer un commentaire