! إيفري إيعيّذن

Ifri i3aydhen !

¤

Ssousmen ighaydhen

Di yifri i3aydhen

Yassiwale arakkouthe ilintane

Azazzou d inaslane

Kh wazrou gguine inaghlane

A Nariou fadhe yanghayyi

Boumia wu th yattawdhane?

¤

Srouggueb kh wul inu

Nawwar a ya yattoume

Shoufe thamemt kh izarwane

Thaggua thazoulte

Thafsele asharroure

Thousha zi wa3roure

Thassirthe mayne tazdha?

Thamdalte mayne tanna?

Mani tnoussene idharane?

Mante rraye i youdhane?

¤

Awale youzzele di idhammene

Mala nnighe a yanu

Oure ttkkagh manisse kkine

Arr shek a Boumia !

¤¤

© Jamal Elkhalladi

 

 

يفري إيعيّذن

¤

سّوسمن إيغايذن

ذِ يفري إيعيّذن

يسّيول أركّوث إيلينتان

أززّو ذِ ينسلان

خ وزرو كَّين إينغلان

أ ناريو فاذ ينغيّي

بوميّة ووث يطّاوضن؟

¤

سركَّب خ وول إينو

نوّر أيا يطّوم

سْحوف ثاممت خِ إزروان

ثكَّا ثزولت

ثفسل أشرّور

ثوشا زِ وعرور

ثسيرث ماين ثزْضى؟

ثامضلت ماين تنّى؟

ماني تنوسن إِضرن؟

مانت الرّاي إ يّوذان؟

¤

أوال يُزّل ذِ يذامّن

ملا نّيغ أ ينو

أور تّكّغ مانيس كّين

ارّْ شكّْ أ بوميّة

¤

جمال الخلادي